Секоја вечер протестите си ги посветувам на нешто посебно што се случува во Македонија, денеска ги посветувам на човековите права, рече активистот Љуми Бекири.
– Тешко е да се говори за човекови права во времиња на селективна правда, во време кога секое право на граѓаните им е одземено и се лишени од секоја лична слобода. Токму во доменот на човековите права, политичкиот режим на Никола Груевски беше најбезмилосен. Груевски немајќи никакви просперитетни и прогресивни идеи да им понуди на граѓаните насилно ни вметна едно фашистичко лудило коешто и до ден денеска го живееме, рече Бекири.
Тој како еден невешт скулптор не моделираше какви треба и какви смееме да бидеме, додека за себе и за своите поданици си го доделија епитетот Македонци, рече Бекири.
