„Тојота“ најави дека ќе повлече 2,77 милиони автомобили поради проблеми со водната пумпа и управувањето.
Повлекувањето се однесува на хибридот „Приус“ и на моделот „Корола“.
Најголемиот производител на автомобили во Јапонија соопшти дека нема податоци за инциденти или други оштетувања во врска со дефектите, но добиле 400 жалби во Јапонија во однос на проблемот со водната пумпа и неколку за проблеми со управувањето.
Соопштението на автомобилскиот гигант доаѓа откако минатиот месец компанијата повлече 7,43 милиони автомобили поради ризик од пожари.