Со транспаренти на кои пишува „Разбудете се балкански работници и работнички“, „Работници и студенти обединете се“ и „Стоп за приватизација на јавниот простор“, денеска граѓани излегоа на второмајски протест.
Дождливото време не ги спречи граѓаните да излезат на протест против погазувањето на правата и достоинството на работниците.
Протестот започна пред Домот на градежниците, а потоа ќе продолжи пред Работничкиот универзитет, па пред Собранието и на крај ќе заврши пред Владата.
Потписници на Повелбата за солидарност се Синдикат на македонската дипломатска служба (СМДС), Синдикат на работниците од управата, правосудните органи и здруженијата на граѓани (УПОЗ ), Самостоен синдикат на новинарите и медиумските работници (ССНМ), Левичарско движење СОЛИДАРНОСТ, Движење за социјална правда ЛЕНКА, Синдикат на културата на Република Македонија (СКРМ), Мултиетнички синдикат на образование (МЕСО), Конфедерација на синдикалните организации на Македонија (КСОМ), Независен академски синдикат (НАкС) и Младинска организација МУГРА.
