Кошаркарите на Карпош Соколи со убедливи 83:68 го совладаа шампионот МЗТ Скопје Аеродорм и го обезбедија второто место на табелата. Со овој триумф „Соколите“ директно се пласираа во полуфиналето на плеј-офот, додека Куманово, кој очекуваше пораз на Карпош, ќе мора да игра четвртфинале, бидејќи заврши на третото место.
За шампионот МЗТ Скопје Аеродром, поразот нема посебно значење со оглед на уште од поодамна обезбедената прва стартна позиција.
Резултати на другите натпревари од последното (28.коло) на Првата кошаркарска лига:
Работнички – Кожув 75:76,
Бест – Куманово 63:93,
Фени Индустри – Струмица 82:67.
Табела: МЗТ Скопје Аеродром 52 бода, Карпош Соколи 49, Куманово 48, Фени Индустри 46, Кожув 41, Работнички 39, Струмица 33, Бест 28.