Министерот Спасовски се сретна со претставници на набљудувачката мисија на ОБСЕ-ОДИХР
Во Министерството за внатрешни работи се одржа состанок меѓу министерот Оливер Спасовски и претставници на набљудувачката мисија на ОБСЕ-ОДИХР за изборите во Република Македонија, предводени од амбасадорот Јан Петерсен, шеф на мисијата.
Министерот за внатрешни работи Оливер Спасовски и шефот на мисијата на ОБСЕ-ОДИХР за набљудување на изборите во Република Македонија амбасадорот Јан Петерсен разговараа за соработката на Министерството за внатрешни работи и Државната изборна комисија, особено околу прочистувањето на избирачкиот список, соопшти денеска МВР.
На средбата Спасовски потенцирал дека чист избирачки список е еден од основните услови за да се спроведат фер и кредибилни избори, но и покрај преземените обврски со Договорот од Пржино, стои во соопштението, списокот не е прочистен.