Мирно и без инциденти заврши едночасовниот протест на граѓанската иницијатива „Протестирам“ во Куманово.
На протестот, кој се одржа пред Основниот суд Куманово, беше побарано повлекување на одлуката за аболиција, оставка на престедателот Ѓорге Иванов и повлекување на одлуката за избори на петти јуни, се додека не се создадат услови за фер и демократски избори… На протестот беше искажана и поддршка за работата на Специјалното јавно обвинителство.
Мице Дудучки, од иницијативата „Протестирам“ рече дека кумановци како слободоумни граѓани бараат создавање на просперитетна држава и еднакви права за сите, независно од определбата. Додаде дека Куманово, како мултиетнички и мултикултурен град, секогаш бил на страна на слободата и демократијата и дека кумановци сакаат да живеат во држава во која законите ќе важат поеднакво за сите и која ќе нуди еднакви шанси за сите.
На протестот присуствуваа и претставници на опозициските партии.
Иницијаторите најавија дека протестите ќе продолжат и утре пред Основниот Суд во Куманово.
Фото: Миа