Шпанскиот тенисер Рафаел Надал избори пласман во финалето на Мастерс турнирот во Монте Карло.
За Шпанецот ова ќе биде можност да се бори за трофејот, кој го освојуваше осум пати досега, а воедно ќе го игра и своето јубилејно 100-то финале во кариерата.
Денеска во првото полуфинале на турнирот, Надал го победи Енди Мареј (Велика Бритнија) за нешто помалку од три часа игра со резултат 2-1, по сетови 2:6, 6:4 и 6:2.
Противник во финалето на шпанскиот тенисер ќе му биде победникот од второто полуфинале кое е во тек, а во него играат сонародниците од Франција, Жо-Вилфред Цонга и Гаел Монфис.