На оценката на СДСМ дека ВМРО-ДПМНЕ нема кандидат за градоначалник на Скопје зашто се плаши од соочување со нивниот Јани Макрадули, владејачката партија одговори дека Макрадули станал кандидат зашто немало никој друг од СДСМ што ќе се нафател на кандидатура. Според ВМРО-ДПМНЕ, СДСМ манипулира зашто знае дека Макрадули ќе биде поразен на изборите.
Делата на кадрите на ВМРО-ДПМНЕ за Скопје се изградени булевари, паркови, канализации, нов градски превоз, игралишта… Делата на Макрадули за Скопје се Мал ринг, овозможување на дивоградби како Тифани и Лумикс, стои во дописот на ВМРО-ДПМНЕ – одговор на реакцијата на СДСМ.