Ученици од дополнителната настава по словенечки јазик ќе учествуваат на 14. Меѓународен фестивал „Детски театарски соништа“ во Љубљана.
Тие денеска во Фестивалската сала во Љубљана ќе ја изведат претставата „Павлиха не сака да оди во училиште“ според делото на словенечкиот автор Томаж Лапајне Деклева, во режија на Бојан Лазаров. Улогите ќе ги играат шест деца под менторство на Плиска Гугуловска.
Проектот е финансиран од Бирото на Владата на Словенија за Словенци зад границите и светот.
Дополнителната настава по словенечки јазик во Македонија е финансирана од Министерството за образование и спорт на Словенија и словенечкиот Завод за школство.