Најдобриот македонски автомобилист Игор Стефановски – Иџе, дебито во Европскиот куп на кружни патеки (FIA ETCC), на патеката Пол Рикар во Франција го заврши со два освоени бода и пласман на седмото место во втората трка, откако на првата заврши без бодови како 11-ти.
– Лично, сум разочаран од малерозниот викенд, не успеав да покажам се што знам и мислам дека можам да сум далеку подобар од постигнатиот резултат во Франција. Луѓето од тимот се задоволни од постигнатите времиња во текот на целиот викенд со оглед на условите што ги имав и пеховите што ми се случија. Се надевам дека за две недели на следната трка во Словачка ќе имаме повеќе среќа и ќе постигнеме подобар резултат, изјави Иџе.
Со возилото Сеат Леон Иџе настапува за словенечкиот тим Лема Рејсинг.