Советот на Град Скопје на денешната седница треба да ја разгледа Информацијата за процедурата за поставување, како и за учеството на градоначалникот Коце Трајановски и советници во настаните околу поставувањето на споменик – двоглав орел и крст на улици под ингеренции на Градот.
Советниците ќе расправаат и за Информацијата за застапеноста на националностите во администрацијата на Град Скопје и во институциите и препријатијата основани од Градот.
На дневен ред, меѓу другото, се и предлог одлуките за престанок и за давање на трајно користење движна ствар на ЈУ Дом на културата „Кочо Рацин“-Скопје, за изменување и дополнување на Одлуката за линиски превоз на патници, за утврдување на цените на услугите за користење на Жичарницата Секција 1, Средно Водно-Милениумски Крст и лифтот на Милениумски крст-Водно, како и извештаите за работењето на јавните установи на Град Скопје за 2015 година.