Бетмени и принцези, самовили и гусари, страшни скелети и Црвенкапа, Трнорушка и нинџа желки, вака децата од трите градинки од општина Центар, маскирани измамија многу насмевки и смеа на присутните на првиот фестивал “Во светот на насмевките“.
Смеата, велат, е крива која ги исправа сите неправди во светот.
„Наша задача е секогаш вака да бидат насмеани децата од општина Центар. Ова може само да не мотивира да работиме повеќе за нивно добро. Ова е прв фестивал и ќе стане традиција во општина Центар“, вети градоначалникот на општина Центар, Андреј Жерновски.
Фестивалот „Во светот на насмевките“, се одржа во Младинскиот Културен Центар (МКЦ), по повод 1-ви април, Денот на шегата.