„Заинтересираните граѓани за легализација на бесправно изградени објекти ќе можат до 20:00 часот, во архивата на општина Центар да ги поднесат неопходните документи.
Поради интересот на жителите, општина Центар денеска, последниот ден од рокот за поднесување на документите, го продолжува работното време од 16:00 до 20:00 часот.
Доколку граѓаните не можат да ги поднесат барањата во архивата на општина Центар, тогаш тоа можат да го сторат преку пошта, со денешен датум и печат.
Барањето за легализација може да го најдат на веб страната, во графата „Сервис за граѓани“, соопштуваат од Општина Центар.
