По само 15 миниути присуство на седницата на Советот на обвинители, специјалната јавна обвинителка Катица Јанева пред новинарите изјави дека на Советот на обвинители им кажала дека нејзина законска обврска е да ги преземе предметите „Маѓар Телеком“ и „Верушевски“.
„Јас им образложив на обвинителите во советот дека законска обврска е на СЈО да ги преземе случаите „Маѓар Телеком“ и „Верушевски“. Не разговаравме за други прашања.
Јас имам своја автономија, Немам обврска да се појавувам на седници на Советот ниту пак да го образложувам извештајот за работењето“, рече Јанева.
Седницата на Советот на обвинители се уште не е завршена и се чека нивниот став.
А.Б.
