Најдобрата светска тенисерка Серена Вилијамс е запрена во осминафиналето на ВТА турнирот во Мајами. Синоќа поуспешна од Американката беше Русинката Светлана Кузњецова со 2-1 во сетови (6-7, 6-1, 6-2).
Вилијамс мечот го заврши со дури девет двојни сервис грешки и 50 неизнудени грешки.
Противничка на Кузњецова во четвртфиналето ќе и биде нејзината сонародничка Екатеринја Макарова која во два сета ја победи Украинката Елина Свитолина.
Другите три двојки за 1/4финалната фаза се:
Медисон Кејс – Анџелика Кербер,
Тимеа Башчински – Симона Халеп и
Јохана Конта – Викторија Азаренка.