Демонстранти од околу 20 чамци денеска се судрија со полицијата во лагуната пред главниот плоштад во Венеција, непосредно пред средбата на лидерите на Италија и Франција, пренесоа американските медиуми.
Полициските чамци ги блокираа чамците на демонстрантите и со водени орудија им попречија да стигнат до брегот и плоштадот „Сан Марко“, додека уште една група демонстранти да стигнат на копното. И двете групи на крајот се растурија.
Над 500 демонстранти денеска учествуваа во протестот во Венеција против плановите за рестартирање на работата врз одамна проектираниот план за експресна железничка линија Лион-Торино, како и против присуството на големите бродови-крузери во венецијанска лагуна.
Италијанскиот премиер Матео Ренци и францускиот претседател Франсоа Оланд се очекува на денешната средба во Венеција да ја разгледаат ситуацијата во Либија и мигрантската криза.