„Наместо осмомартовско празнувања по ресторани, градоначалникот на општина Центар, Андреј Жерновски, донесе одлука средствата да се донираат за заштита на жените од семејно насилство.
Финансиска поддршка за оваа цел ќе биде донирана на две невладини организации.
„Проблемите на жените во Македонија се големи и суштински. Сметам дека е потребна реална и конкретна поддршка за решавање на проблемите и унапредување на позицијата на жената во нашето општиество. Овој гест е токму тоа“, вели Жерновски.
Сепак симболично со рози, Жерновски и директорот на ЈП ПОЦ Саша Богдановиќ, им го честитаа празникот 8 – ми Март на жените во Центар.
Ова денеска е само симболично внимание, вели градоначалникот Жерновски, бидејќи жените заслужуваат внимание и почит сите денови во годината.
Богдановиќ им посака убави моменти не само овој ден, туку во сите 365 дена во годината.
Општина Центар на сите припаднички на понежниот пол им го честита Меѓународниот ден на жената“, се вели во соопштението на Општина Центар.