Македонскиот тенисер Томислав Јотовски забележа победа во 1.коло на фјучерсот во Хамамет, Тунис кој се игра за награден фонд од 10.000 американски долари.
Јотовски попладнево го совлада Бразилецот, Талеш Турини со 2-0, по сетови 7:6 и 6:1.
Дуелот на Јотовски со фаворизираниот бразилски тенисер кој бележи 238.место на АТП листата, беше прекинат вчера во првиот сет при резултат 3:3 во гемови.
Во второто коло противник на Македонецот ќе му биде Бастијан Мала од Чиле.