Градоначалникот на општина Центар Андреј Жерновски се огласи по прес конференцијата на СЈО Катица Јанева и нејзиниот тим , информацијата за акцијата „Титаник“ апсењето на Едмонд Темелко и барањето притвор за 8 лица за изборни измами, злосторничко здружување и уништување изборен материјал.
Еве што напиша Жерновски.
ТИТАНИК ТОНЕ !!!
СЈО објави дека сантата мраз, во која удри Груевски, е токму изборниот криминал во Центар. „Кривичните дела против гласањето, се почеток на криминализацијата на државата“ – рече Јанева. Не би можел повеќе да се согласам со ова. Телма веќе објави дека едниот уапсен во истрагата е Едмонд Темелко, градоначалникот на Пустец. Ова значи дека токму криминалот на изборите во Центар, со човечињата од Пустец ќе му пресудат на ВМРО и Груевски.
Ова е голема победа на правдата!
Од денес, Македонија почнува да се враќа на правата патека.