Граѓаните на Кичево, денеска, во голем број го пречекаа Потпретседателот на СДСМ, Дамјан Манчевски.
Во обраќањето пред кичевчани Манчевски рече дека криминалните политики на Никола Груевски и ВМРО-ДПМНЕ доведоа до тоа граѓаните да немаат основни услови за живот, да живеат во сиромаштија, без работа, во услови кога се потрошија 630 милиони евра за споменици.
– Со 630 милиони евра ќе се отвореа 126 фабрики со над 100 илјади работни места. Така ќе ги задржевме младите во Македонија. Ама приоритет на Груевски овие 10 години беа криминалот и матните бизнис зделки на братучедот Мијалков и фамилијата. Но парите што ги однесоа во Белизе ќе ги вратат, до последен денар, рече Манчевски.
Жителите на Вранештица се пожалија на ниската социјална помош.
-Со 2.300 денари месечно не можеме сметките за струја и вода да ги платиме, а камоли за храна да имаме. СДСМ ни даваше 6.000 денари социјална помош, Груевски ја скрати повеќе од половина, велат револтирано жителите.
Манчевски истакна дека целта на СДСМ е да им обезбеди на граѓаните достоиствени услови за живот.
На средбите со граѓаните Манчевски разговараше и за актуелната политичка ситуација. Тој рече дека СДСМ нема да учествува и нема да дозволи уште едни криминални избори.
-Уште едни криминални избори нема да има. Без прочистување на Избирачкиот список и регулација на медиумите нема фер и демократски избори. Груевски се плаши од слободни избори бидејќи знае дека на тие избори ќе изгуби, ама тој веќе изгуби. Доста беше. Заврши времето на Никола Груевски и ВМРО-ДПМНЕ, доаѓа време кога ќе одговараат за криминалот што го направија, потенцираше Манчевски.
Во Кичево и кичевско потпретседателот Манчевски беше придружуван од членовите на Извршниот одбор на СДСМ, Сања Лукаревска и Виктор Петрушевски.