Македонскиот првак Вардар со дуелот против Борац го продолжува настапот во ракометната СЕХА лига.
Поради Европското првенство, црвено-црните по речиси двомесечна пауза ги очекуваат два натпревари во неполни 24 часа.
Првиот е вечерва во Бања Лука од 20 часот, во кој ќе му гостуваат на тимот на Борац. Веќе утре од 19 часот, црвено-црните ги очекува нов натпревар и тоа против траиционално незгодниот тим на Хексе.
За утре закажани се уште два натпревари. Во терминот од 16 часот и 15 минути, вториот македонски преставник во ова натпреварување Макс Струмица гостува во Унгарија на мегдан на топ фаворитот и актуелен шампион Веспрем.
Од 18 часот ќе се игра натпреварот Татран Прешов – Мешков Брест.
Табела: Веспрем 34 (12 одиграни натпревари), Вардар 34 бодови (14), ППД Загреб 30 (13), Татран Прешов 27 (14), Мешков Брест 24 (12), Нексе 21 (14), Војводина 11 (15), Борац 10 (14), Спартак 10 (15) и Макс Струмица 2 (15).