„Денеска оддаваме почит на апостолот на македонскиот народ, великанот Гоце Делчев којшто го посвети и го даде животот за слободата, самостојна и независна Република Македонија.
Тоа неговото дело не смее да биде заборавено од сите генерации кои доаѓаат после нас, заради тоа што ја испраќа пораката кои сме, какви сме, зошто сме поразлилни од сите други народи и народности кои живеат во целиот овој регион.
Оддавајќи денеска почит ја испраќаме пораката дека не само што не смее да биде заборавено, туку неговото дело треба да биде следено, и затоа борбата за слобода ќе продолжи, а независноста ќе ја браниме“, изјави претседателот на СДСМ, Зоран Заев, по повод одбележувањето на 144 годишнината од раѓањето на Гоце Делчев.
