Продолжуваат натпреварите во регионалната ракометна СЕХА лига кои беа во мирување поради Европското првенство во Полска.
Во натпревар од 18.коло актуелниот шампион во оваа конкуренција унгарски Веспрем е домаќин на Нексе, почетокот е денес од 18 часот.
Македонскиот вицепрвак Макс Струмица утре исто така од 18 часот гостува кај Мешков Брест, додека в петок, шампионот на Македонија и лидер на табелата Вардар ќе игра во Бања Лука против екипата на Борац. И овие две средби се од 18.коло.
Претстојниот викендот, македонските екипи ќе одиграат уште по еден меч на гостински терен и тоа: Макс Струмица в сабота на мегдан оди кај Веспрем, а Вардар в недела игра со Нексе.
Табела: Вардар 34 бодови (14 натпревари), Веспрем 31 (11), Загреб 30 (13), Татран Прешов 27 (14), Мешков Брест 21 (11), Нексе 21 (13), Војводина 11 (15), Борац 10 (14), Спартак 10 (15) и Струмица 2 (14).