Еврогрупата ги заострува предлог-мерките за штедење во Грција. Во новиот пакет мерки се предвидува намалување на каматите кои Грција ги плаќа за заемите, а Европската централна банка да добива подолго време од што е предвидено, краткорочни грчки државни облигации и да обезбеди еден преоден заем за земјата.
Помалиот коалициски партнер Демократската левица одби да ги поддржи зголемувањата на даноците и намалувањата на трошоците во вредност од 13,5 милијарди евра, затоа што тие се поврзани со мерки кои ќе ги намалат платите и ќе го прекинат нивното автоматско зголемување.
Но, се очекува партијата на Самарас Нова демократија и најголем дел од пратениците на коалицискиот партнер ПАСОК да гласаат за мерките и со тесно мнозинство, сепак, да ги усвојат.
Пратениците потоа на 11 ноември треба да го усвојат буџетот за 2013 година што ќе доведе до добивање на следната транша од заемот во висина од 31,5 милијарди евра и ќе ги замолкне разговорите за излез на Грција од еврозоната, рече Самарас.