Катастрoфалната политика на ВМРО-ДМПНЕ во образованието ги остави учениците од Велес без греење на првиот училишен ден од второто полугодие. Учениците од „Васил Главинов“ биле прунудени да ја следат настава со јакни, шалови и ракавици за да не смрзнат поради тоа што немало греење, велат од СДСМ Велес.
И во основното училиште “Блаже Конески“ учениците биле оставени без парно греење да се смрзнуваат во училниците. Дополнително, од непознати причини не им било дозволено на наставниците да вклучат дополнителни грејни тела.
Ова се случува во 21 век во Велес, децата мрзнат во ладни училни.
Хаотична е состојбата и во ученичкиот дом Лазар Лазаревски .Не само што учениците биле оставени без парно греење во текот на вчерашниот ден туку немало никој од вработените за да ги смести учениците од другите градови.
Наместо веднаш да се регира и веднаш да се обезбедат основните услови за да може децата нормално да ја следат наставата, стоплени наместо смрзнати, денеска исто така нема греење во училиштата.
Ете таква е „грижата“ на ВМРО-ДПМНЕ и Никола Груевски за образованието, за младите.
Локалната власт на ВМРО-ДПМНЕ во Велес и градоначалникот Славчо Чадиев треба да одговорат зошто не обезбедија греење во училиштата? Зошто ги оставија децата да се смрзнуваат?
Срамно и крјано неодговорно е да се остават децата, учениците, во 21 век да смрзнуваат во ладни училни.
Дали парите што се наменети за нафта за греење се пренаменети за да се обезбедат плати за партиските вработувања во дел од училиштата?
Зошто Министерството за образование не реагира?
Родителите, граѓаните, учениците, очекуваат одговори и решавање на овој сериозен проблем.