Турскиот премиер Ахмет Давутоглу изјави дека не може да постави краен рок за прекин на воените операции во Југоисточна Тутција против Курдската работничка партија (ПКК).
Тој наведе дека крајни рокови треба да бидат поставени само кога ќе биде ставен крај на насилството и теророт.
– Преживуваме период во кој сме вознемирени за единството и целовитоста на Турција. Се очекува Турција да се сопне. Со волјата на Алах ќе ги спречиме тие сценарија. Деноноќно работиме за успешно да ги завршиме антитерористичките операции колку што е можно побрзо, посочи Давутоглу.
За време на викендот турската армија објави дека вкупно 448 курдски борци се убиении во градовите Џизре и Силопи и во реонот Сур во Дијарбекир од почетокот на операцијата, пред речиси еден месец, во југоисточна Турција.