Претставниците на месната заедница Шипковица денеска на министерот за одбрана Зоран Јолевски му доделија благодарница за помошта која Армијата на Република Македонија му ја пружи на населениото во Шипковица, за време на поплавите во август минатата година.
Претставниците на месната заедница Шипковица во оваа пригода ја изразија својата најдлабока благодарност за поддршката која ја добија граѓаните на Шипковица од припадниците на АРМ.
Министерот Јолевски истакна дека АРМ е секогаш во служба на граѓаните на Република Македонија во најтешките моменти.
На почетокот на август 2015-та година по обилните врнежи од дожд во Шипковица се случи природна катастрофа, по која Владата на Република Македонија, АРМ, Општина Тетово, Центарот за управување со кризи и бројни невладини организации и приватни компании се вклучија во интензивни акции за помош на погоденото население во тетовско. За време на акциите Армијата секојдневно работеше на терен, ги расчисти насипите на кал и камења, ги расчисти патиштата, изгради неколку мостови, се вклучи во барање на неколкуте исчезнати лица и интензивно им помогаше на погодените луѓе во тетовско.
