Судирите меѓу турските безбедносни сили и курдските борци денеска се интензивираа во југоисточниот град Дијарбакир откако во бомбашки напад загина еден војник, а седумина се повредени.
Турските сили за безбедност минатата недела почнаа операција во југоисточниот дел од земјата, во која учествуваат и тенкови и неколку илјади војници. Претседателот Реџеп Таип Ердоган вети чистење на регионот од бунтовници.
Според прокурдската Демократска партија на народите најмалку 24 цивли се убиени во операцијата, а државните медиуми јавуваат дека загиначе 168 припадници на ПКК за осум дена во шест градови во тој регион.
Борци на ПКК активираа бомба во градот Сур, во округот Дијарбакир, каде е воведен полициски час, при што загина војник и повредени се шест други војници и еден цивил. ПКК почна со сепаратистички бунт во 1984 година и оттогаш досега животот го загубија над 40.000 луѓе.