Вицепремиерот и министер за финансии, Зоран Ставревски на денешната прес-конференција соопшти дека буџетот за 2013 година се очекува наскоро да биде предложен до владата и дека истиот треба да се движи во рамките на буџетот од оваа година.
Министерот изјави дека буџетот ќе биде балансиран од аспект на заштита на социјалните категории и пензионерите, како и обезбедување средства за земјоделците.
-Подготовките за Буџетот за 2013 година течат добро, во завршна фаза се. Направивме разговори во неколку циклуси со сите министерства. Можностите и потребите не се секогаш идентични, но во целина усогласени сме со министрите дека буџетите ќе бидат оптимални, согласно условите во европската економија и криза. Верувам дека буџетот ќе биде поддржан од Владата – изјави Ставрески.
Вицепремиерот истакна дека проекцијата за раст за следната година ќе биде во рамки на прогнозите на ММФ, ЕБОР и Народна банка.