Советот на општина Центар едногласно го усвои буџетот за 2016-та година. Општинската каса ќе тежи 1.501.674.000 денари.
Буџетот е креиран транспарентно, во соработка со граѓаните. Одржани форуми за буџетот, во соработка со Центарот на заедницата, на кои жителите на Центар укажуваа на што треба да се трошат парите, соопштуваат од Општина Центар.
Парите од буџетот ќе се користат за:
- Одржување, изградба и реконструкција на урбана опрема, планирани 9.460.000, 00 денари.
- Јавно осветлување, 41.500.000, 00 денари
- Одржување на јавна чистота: 26.850.000, 00 денари
- Одржување на локални патишта и зимско одржување, 8.000.000, 00 денари.
- Одржување и изградба на паркови и зеленила, 30.000.000, 00 денари
- Реконструкција на фасади 27.600.000, 00 денари,
- Одржување и реконструкција на детски игралишта 4.000.000, 00 денари
- Заштита на животна средина, во најголем дел – за проектот Цел Центар на Точак, 3.510.000, 00 денари
- Образование (еден од најголеми приоритети), 162.927.000, 00 денари,
- Капитален објект – изградба на ново основно училиште во Капиштец – 341.000.000, 00 денари, од кои 100.000.000, 00 се планирани во буџетот за 2016-та година.
- Капитална инвестиција – доградба на училници во ОУ Гоце Делчев, со вкупна вредност од 21.000.000, 00, од кои 10.000.000, 00 се планирани во буџетот за 2016-та година.
- Подобрување на енергетската ефикасност (замена на фасадна столарија) во ОУ Димитар Миладинов, ОУ Кирил и Методиј и ОУ Кочо Рацин
- За детска заштита, ќе се издвојат 130.660.000, 00 денари
- Реконструкција на матичен објект, градинка 13-ти Ноември, за што во 2016-та се предвидени 29.000.000, 00 денари.
- Подобрување на енергетска ефикасност на објектите Пинокио и Јасмин, клонови на градинката РЈ Корчагин.
- Целосна реализација на инфраструктурата во Маџир Маало, вредност од 70.000.000, 00 денари.
- Реализација на инфраструктура за Тасино Чешмиче и Долно Водно.
- Реконструкција на ул. Ленинова (Аминта Трети), на дел од Партизански Одреди до ул. Митрополит Теодосиј Гологанов, 21.000.000, 00 денари,
- Развој на програма – локалитет Пресвета Богородица, 15.800.000, 00 денари.