Разлики и несогласувања меѓу ВМРО-ДПМНЕ и ДУИ за Законот за бранители

Од:

Дебатата во Комисијата  за труд и социјална политика за Предлог-законот за бранителите, предложен од ВМРО-ДПМНЕ по скратена постапка, почна и прекина поради несогласувања на релација ВМРО-ДПМНЕ-ДУИ.

Седницата беше прекината 30-ина минути по нејзиното отпочнување откако Веле Георгиевски како овластен предлагач на законот побара ограничување на траењето на дискусиите и на репликите и контрарепликите.

ДУИ не се согласија и побараа пауза, за да го разгледале прдлогот.

Георгиевски побара предност во обраќањата по амандманите да имаат членови и заменици на Комисијата, а потоа останатите пратеници, дискутантот да може да се обрати само еднаш по еден амандман во траење од 10 минути, а излагањето на овластениот предлагач по амандманот да трае најмногу 15 минути. Репликата и контрарепликата да бидат од една до три минути најдолго. Претседателката на Комисијата да опомене пратеник доколку не зборува за амандманот и пауза или прекин на седницата да може да побара само претседателката на Комисијата, член или заменик и таа да не трае подолго од еден час во текот на еден ден.

Пратениците на ДУИ на седницата дојдоа носејќи ги во кутии 10-те илјади нови амандмани што вчера беа вратени од Собранието со образложение дека рокот за доставување на нови вакви забелешки е поминат.

Претходно на почетокот на седницата Орхан Ибраими од ДПА побара  Цветанка Иванова да ја повлече предлог-точката од дневен ред посочувајќи уште еднаш дека, според нив, законот е противуставен, антидемократски и антиалбански.

Иванова образложи дека Предлог-текстот може да го повлече само неговиот предлагач, во случајов пратеничката група на ВМРО-ДПМНЕ.

Би можело да ве интересира

Собранието ќе ги продолжи прекинатите опозициски пратенички прашања

А1он

Собранието го донесе вториот ребаланс на Буџетот за 2026 година

Милошоски: Измени на Кривичниот законик за намалување на ризиците поврзани со членството во СЕПА

(ВИДЕО) Опозицијата го критикува вториот ребаланс на Буџетот: Висок дефицит и намалени капитални инвестиции

Законот за јавни набавки повторно во Собранието, поднесени 2.158 амандмани

Катерина Ѓуровски

За измените на Законот за јавни набавки поднесени 2.158 амандмани, ВМРО-ДПМНЕ бара бришење на членот оспорен од претседателката Сиљановска Давкова