Ракометарките на Русија ја постигнаа и втората победа на Светското првенство за ракометарки што се одржува во Данска. Тие вечерва во дуел од 2. коло ја совладаа Шпанија, уште една селекција која е кандидат за висок пласман. Во првото коло Русија славеше триумф над селекцијата на европскиот првак Норвешка.
Од другите натпревари кои се одиграа денеска Јужна Кореја и Франција во драматична завшница одиграа нерешено и освоија по еден бод, додека светскиот првак Бразил оствари висока победа.
Денеска се играат натпреварите од групите Ц и Д, додека во групата А и Б е слободен ден.
Ц група: Конго – Бразил 11:26, Јужна Кореја – Франција 22:22. Германија – Аргентина играат вечерва.
Табела: Бразил 3, Франција 3, Аргентина 2, Јужна Кореја 2, Конго 0, Германија 0.
Д група: Романија – Казахстан 36:20, Русија – Шпанија 28:26.Норвешка – Порторико играат вечерва.
Табела: Романија 2, Шпанија 2, Русија 2, Норвешка 0, Порторико 0, Казахстан 0.
Утре се играат натпреварите од 3.коло во сите четири групи.