Денеска сме во Преспанско. Да се видиме со производителите на јаболка, да ги видиме нивните проблеми и нивните маки. Она што овде го видовме е дека родот е богат и квалитетен, но трговците ги нема, пласман нема, а цената на откупното јаболко е многу ниска, рече Љупчо Николовски, дополнителен заменик-министер за земјоделство, шумарство и водостапанство.
Јаболко производителите ги имаат овие маки и проблеми со коишто решенија мора да бара државата. Државата и министерството се тие коишто треба да интервенираат и во цената и во откупот и да отворат нови пазари и нови пласмани за јаболкото. Но, она што е голем проблем за овие граѓани е субвенциите од државата. Субвенциите не за партиска, туку државна мерка. Може да се констатира дека субвенциите за овоштарите и лозарите повторно доцнат.
Во програматa на Никола Груевски и на Зоран Ставревски потпишана од Владата се вели дека крајниот рок за почеток на исплата на субвенциите на овоштарите и лозарите е ноември. 44
Се уверивме денес дека ниту еден земјоделец, ниту еден јаболко производител нема добиено субвенции за 2015 година. Но, ни се пожалија и многу други луѓе дека и за 2013 и за 2014 не ги добиле субвенциите во целост, односно истите не им се исплатени. Затоа од тука апелираме субвенциите за јаболко производителите да започнат да исплаќаат веднаш.