Жители на грчкиот град Лерин ја блокираа денеска границата со Македонија со барање за поевтина нафта за домаќинство.
Тие во 11 часот по локално време го затворија патот кон граничниот пункт Ники. На протестот учествуваат и трговци на гориво.
Демонстрантите изјавија дека секој час ќе пуштаат по неколку автомобили.
Тие истакнуваат дека нивните дејствија се симболични и немаат за цел да создаваат проблеми на граѓаните, туку да испратат порака кон власта.
Претседателот на трговската комора на Лерин Сава Сапалидис, рече дека протестот ќе трае до 14 часот по локално време.
Жители на Лерин и Костур утре планираат да го преселат протестот во Атина, и најавија дека ќе ја гаѓаат со коцки мраз зградата на Парламентот.