Осудувајќи ги терористичките напади во Париз, претседателот на Либералната партија, Ивон Величковски рано утрово, во директна комуникација ја упати следната порака до амбасадорот на Француската Република, г-ѓа Лоранс Оер:
– Госпоѓо Амбасадор, нашите срца се со вас и Французите. Со жалење ја следиме ситуацијата, и упатуваме сочувство со семејствата кои ги изгубија нивните блиски… Вие и Вашите сонародници минувате низ особено тешки моменти, но пријателите овде во Македонија се со вас.
Овој злосторнички чин за Либералната партија е напад и врз вредностите на слободата и еднаквоста, промовирани уште со Француската револуција, но и врз универзалните вредности на кои се заснова модерниот меѓународен поредок.