Скулптури на велосипеди со силуети кои на своите тела носат натписи: „Уште колку жртви“, „Скопје е и наш град“ и „Кај јас да возам“, од утрово можат да се видат на три локации во Скопје: на улиците „Орце Николов“, „Рузвелтова“ и во близина на болницата “8-ми септември“.
Се работи за уште една урбана уметничка акција, која алармира за катастрофалната состојбата на улиците на Скопје – нема велосипедски патеки, а и тие што постојат се со дупки. Како резултат на хаосот во сообраќајот, велосипедистите во главниот град се чести жртви во сообраќајот.
Оваа урбана акција е посветена на загинатите велосипедисти и на протестот “Коце врати ни ги улиците!“.
Само во последните неколку месеци имаше 66 жртви во сообраќајот во Македонија.
А.Б.