Оперативната програма на ЈЗУ УК за торакална и васкуларна хирургија по немилиот настан на клиниката тече редовно, вели во писмената изјава за медиумите директорот на оваа клиника проф. др. Зоран Спировски.
– Никој досега од Министерството за здравство, ниту министерот за здравство вршел притисок на директорот дека оперативната програма по секоја цена мора да тече. Исто така, ниту јас како директор на Клиниката и шеф на Стручниот колегиум не сум вршел притисок на останатите лекари да мора да оперираат во елективниот програм, вели Спировски.
Секој лекар, како што додава, кој смета дека не е безбеден и се чувствува психички неподготвен да оперира може да ја одложи својата оперативна програма.