Срамота е тоа што ВМРО-ДПМНЕ ги нарекува граѓаните дека се луди. Граѓаните не се луди како што сака да ги претстави ВМРО-ДПМНЕ. Цели 10 години Никола Груевски го контаминира животниот простор на граѓаните, економијата, демократијата, слободата на медиумите, велат од СДСМ.
Што и да пипне Никола Груевски веднаш го загрозува, го труе. Нема поголема лудост од тоа да се потрошат 630 милиони евра за споменици, барок и бронза а граѓаните на Скопје да се гушат во нечист воздух полн со честички опасни по нивното здравје.
Груевски за 10 години има потрошено над 25 милијарди евра, пари на граѓаните од буџетот, дополнително ги задолжува, последно со нови 500 милиони евра, а проблемот со огромната загаденост на воздухот не е решен.
Извештајот на Светска банка покажува дека Македонија е на прво место на листата за изложеност на граѓаните на загаден воздух со цврсти канцерогени честички. Тоа е најголемата причина за повеќе од 1.350 смртни случаи годишно во Македонија, поради рак и болести на дишните патишта.
Додека Груевски си живее во неговиот имагинарен свет граѓаните се гушат, стои во реакцијата на СДСМ.