„Среде бетонските згради кај „Кино Карпош“ се формира урбано и модерно зелено катче, паркот „Кино Карпош“.
Пристапот кон озеленувањето е чист и геометриски диктиран од урбаната средина и соседната зграда. Се садат 15 дрвја од листопадни, цветни јапонски цреши, од типот “Prinus serrulata Kanzan” со обем c14/16. Овие дрвја цветаат на пролет, кога даваат прекрасна слика, затоа што се наместени на една површина и геометриски распоредени во просторот.
Под нив се садат зимзелени и колоритни грмушки, за да не изгледа пејсажот “тажен“ во зима, кога дрвјата немаат лисја.
Денеска се садат и 80 “Aukuba Japonica” – жолто-зелена грмушка и 70 “Nandina Domestica Nana” – која менува боја од зелена од пролет и лето, до шарена во есен и црвена на зима. Пред потпорниот ѕид се садат 41 Кониферна грмушка – “Taxus Baccata” во ред, а ритамот се разбива со седум повисоки зеимзелени растенија “Photinia Fraseri Red Robin“, во форма на топка, кои пуштаат црвени, нови листови на пролет. Средишниот дел на патеката се сади со 44 жолти кониферни покривачи, од типот “Juniperus Media Old Gold”. Веќе е поставен автоматски систем за наводнување на оваа површина.
Ова е прв парк во Дебар Маало и зеленило, толку потребно во овој дел на Центар“, се вели во соопштението на Општина Центар.