„СДСМ алармираше за проблемот со нерешениот статус на професионалните војници којшто го создаде власта и ги поддржа барањата на самите војници.
Јавно побаравме да им биде решен статусот, да бидат ангажирани како и нивните колеги.
Поради проблемот што им го создаде власта професиналните војници започнаа и штрајк со глад пред Собранието. Власта молчеше и не презема ништо.
СДСМ и опозицијата го поддржа и Предлог законот за измени на Законот за служба во АРМ за проширување на опфатот на професионалните војници што беше гаранција за решавање на нивниот статус.
СДСМ и понатаму ќе ги поддржува сите иницијативи кои што ќе резултираат со решение на статусот на поранешните професионални војници коишто власта ги дискриминирше во претходното законско решение.
Токму Димитриев и Џафери се луѓето кои го политизираа Министерството за одбрана и го креираа овој проблем којшто кулминираше со штрајк со глад на дел од професионалните војници.
Оттука, предлогот на власта за наводно решавање на проблемот што таа го создаде само ја потврдува хипокризијата на ВМРО-ДПМНЕ“, се вели во соопштението на СДСМ.