Могерини: На ЕУ и се заканува распаѓање поради бегалската криза

Од:

На Европската унија и се заканува распаѓање, доколку адекватно не одговори на најлошата бегалска криза на стариот континент уште од Втората светска војна, изјави денеска високиот претставник на ЕУ за надворешна политика и безбедност Федерика Могерини.

Таа наведе дека доколку ЕУ едноставно се потпира на одговорите на одделни држави за ова европско прашање кризата уште повеќе ќе се влошува, со верижни реакции на јавното мислење и националните власти.

– Со цел тоа да се спречи Унијата мора да биде опремена со инструменти, кои ќе бидат дораснати на предизвиците, а без кои постои ризик од распаѓање на ЕУ, предупреди Могерини во интервју за италијанскиот весник „Соле 24 Оре“.

Австрија вчера најави план за изградба на ограда на границата со Словенија, исто така членка на ЕУ, со цел да го контролира приливот на бегалци, а и Словенија најави слични чекори.

Би можело да ве интересира

Босанац: Не може да постои демократија без слободни медиуми и без граѓанското општество

Третина од Украинците би се откажале од НАТО, петтина би се откажале од ЕУ

Трамп: Ќе воведеме царини од 25 отсто на увозот од Европската Унија

Горан Наумовски

ЕУ им нуди на Украинците сопствен договор, постои клучна разлика од тој на Трамп

ЕУ усвои нов пакет-санкции против Русија

Калас: Одржувањето претседателски избори за време на војна не е опција за Украина