Рускиот десантен брод „Цезар Куников“ денеска минал преку Босфор во правец на Средоземно Море, информира ТАСС, повикувајќи се на воено-дипломатски извор од турската престолнина.
Истовремено, информативната служба „Босфорес нејвал њуз“, од Истанбул, која ги следи сите движења на воените бродови преку турските премини, објави снимки на рускиот брод.
Според информација на службата, бродот транспортира товар со воен карактер со вкупна тежина од 500 тони и патува кон сириското пристаниште Тартус, каде се наоѓа базата за материјално-техничко обезбедување на руската военопоморска флота во Средоземно Море.