Зад двојниот самоубиствен атентат во Анкара, што го однесе животот на 102 лица, стои обединета терористичка група, изјави турскиот претседател Реџеп Таип Ердоган, цитиран од ТАСС.
Според претседателот, борци на Исламска држава, бунтовници од Курдската работничка партија (ПКК) и сириската тајна полиција Мухабарат одиграле своја улога во двојниот атентат.
Агенцијата Анадолија во понеделникот информира дека турските власти го идентификувале едниот од двајцата атентатори самоубијци како Јунус Емре Алагоз. За него постојат сомненија дека бил член на ќелија на Исламска држава во градот Адајман, во југоисточна Турција.