Авионите на руското воено воздухопловство во Сирија во последното деноноќие извршиле напади врз инфраструктурни објекти на Исламска држава (ИД), изјави денеска портпаролот на руското Министерство за одбрана, генерал-мајор Игор Конашенков.
Руските бомбардери извршиле 39 летови, нанесувајќи 60 удари врз 51 објект во провинциите Хама, Латакија, Дамаск и Алепо.
Конашенков потврди дека се уништени четири командни пункта, шест магацини за оружје и муниција, минофрлачка батерија, два подземни бункера, 32 мобилни кампа и шест логистички пункта на џихадистите.