Поради планирани активности за интервенции во мрежата на АД МЕПСО денеска од 9 до 17 часот,во одредени временски интервали без електрично напојување ќе биде речиси целиот југоисточен регион поради исклучувањата на 110 киловолтните далекуводи во Гевгелија и Валандово.
Според планот за редукција од 9 до 15 часот без струја ќе биде западниот дел од градот Гевгелија и делови од Богданци, Миравци, Удово, Нов Дојран, Николич, Црничани, Фурка, Богородица, Мрзенци, Ѓавото и подпланинските населени места на Кожуф.
Од 13 до 17 часот без струја ќе биде источниот дел од градот Гевгелија, Стар Дојран, Моин, Ново Конско, Стојаково и Селемлија.
Од секторот за водовод при јавното комунално претпријатие „Комуналец“ соопштија дека поради прекинот на струјата денеска од 9 до 13 часот без вода за пиење ќе бидат потрошувачите од Богородица, конзервната фабрика „Пајдаков“, казината „Сенатор“, „Принцес“ и „Фламинго“, бензинската пумпа на „Лукоил“, граничниот премин „Богородица“ и селата Стојаково и Селемлија.
