Повеќе од милион бегалци ќе дојдат во Германија оваа година, изјави денеска германскиот вицеканцелар Зигмар Габриел, пренесува Фена.
На собирот на Социјалдемократската партија тој потенцираше дека е неопходно да се создадат вистинските услови кои ќе овозможат Германија да се справи со тој предизвик.
Германските власти се соочуваат со околу 10.000 баратели на азил дневно. Германската Влада досега соопштуваше дека очекува околу 800.000 молби за азил годинава, додека медиумите наведуваат дека би можело да дојде до бројката од 1,5 милиони.