СВР Охрид, поради постоење на основи на сомнение за сторено кривично дело „Разбојништво“,поднесе кривична пријава против С.К.(27) од селото Мешеишта, Д.М.(24) од селото Оздолени и Г.П.(27) од Мешеишта, општина Дебрца.
Пријавените, на 25-ти октомври се искачиле на вториот кат од куќата во сопственост на брачна двојка од селото Мешеишта, и насилно влегле во една од собите.
Разбојниците физички ги нападнале сопружниците, притоа наесувајќи им тешки телесни повреди и заканувајќи им се со пиштол од нив барале пари. Сопругата ја турнале по скалите, а потоа започнале да пребаруваат по собите, при што пронашле и одзеле околу 1.000 денари.
При извршениот полициски претрес во домовите на две од трите пријавени лица е пронајдено оружје и куршуми.
Пријавените лица и се добро познати на полицијата. Против нив досега биле поднесувани повеќе кривични пријави за сторени тешки кражби, неовластено производство и пуштање во промет на наркотични дроги, психотропни супстанци и прекурсори и овозможување на употреба на наркотични дроги.