Германија ќе има потреба од нови 38 илјади учители и воспитувачи во детските градинки за подобра интеграција на бегалците во општеството, соопшти денеска синдикатот на учители, пренесува ТАСС.
Според соопштението на синдикатот „Федерација образование и наука“ (ГЕВ), во кој членуваат околу 270.000 лица, во следната година ќе има околу 300.000 нови ученици како резултат на миграцискиот бран. За нивно прифаќање ќе бидат неопходни дополнителни 24.000 ученици.
Идната година во градинките ќе бидат запишани околу 100.000 мигранти. Како резултат на што ќе бидат неопходни дополнителни 14.000 воспитувачи.
– Образованието е клучен фактор за успешна интеграција на децата на бегалците и на кандидатите за таков статус во Германија, истакна претседателката на синдикатот на учители Марлис Тепе.
Според Тепе вработените во образовниот систем се подготвени да дадат свој придонес за справување со овој сериозен предизвик, каде според разни проценки годинава во Германија ќе пристигнат меѓу 800.000 и еден милион бегалци.