Во текот на изминатите 24 часа на подрачјето на Град Скопје од страна на сообраќајната полиција извршен е увид на вкупно 11 сообраќајни незгоди.
Од нив, шест се со последица материјална штета и четири се со последица телесна повреда во кои со полесни повреди се здобиле тројца сопатници, двајца пешаци и еден велосипедист.
Се случила и една сообраќајна незгода во која загинал пешак. Сообраќајката се случила во 6 часот и 20 минути на крстосницата од улицата „Ѓорче Петров“, улица „Злеполе“ и улица „Мајски манифест“ во која учествувале патничко моторно возило „фијат дукато“, со гостиварски регистарски таблички, управувано од граѓанин на Гостивар и пешак, граѓанин на Скопје, роден 1939 година. Како последица на незгодата пешакот се здобил со тешки телесни повреди и истиот им подлегнал на повредите на лице место.
Во текот на вчерашниот ден од страна на сообраќајната полиција откриени и санкционирани се 24 возачи кои не го почитувале ограничувањето на брзината на движење. Осум возачи го управувале возилото под дејство на алкохол и истите се исклучени од сообраќај и 30 возачи кои го управувале возилото по истекот на важноста на сообраќајната дозвола или без возачка дозвола. Санкционирани се и 15 пешаци кои поминале вон обележан пешачки премин или, пак, поминале на црвено светло на семафор.
Со помош на специјалното возило „пајак“ вчера од страна на сообраќајната полиција отстранети се 93 возила кои го попречувале нормалното одвивање на сообраќајот.
Денеска Отсекот за превенција при Единицата за безбедност во патниот сообраќај ќе одржи сообраќајна поука со почеток во 19 часот во просториите на Полициската станица од општа надлежност Гази Баба на која ќе присуствуваат граѓани учесници во сообраќајот кои сториле прекршоци по разни основи во својство на пешаци.
Денеска Отсекот за превенција при Единицата за безбедност во патниот сообраќај при СВР Скопје ќе одржи едукативни работилници во Основното училиште „Владо Ангеловски“ кое се наоѓа на подрачјето на општина Аеродром.
За денеска нема најавено вонредни настани со што се очекува сообраќајот да се одвива тековно и според постоечката сообраќајна регулатива.