„Демократскиот сојуз најенергично протестира против обидот за донесување на Закон за забрана на објавување на материјали од прислушкувани разговори.
Демократскиот сојуз смета дека ова е „Атентат” врз демократијата и слободата на говорот.
Масовното кршење на човековите права со неовластено прислушкување, како и тешките обиди на организиран криминал, не смеат и не можат да бидат предмет на законска заштита. За криминалот треба да се понесе кривична одговорност.
Криминалот не може да биде вредносна категорија тоа е зло коешто ја разорува државата и со тоа зло мораме да се справиме.
Демократскиот сојуз ќе ги искористи сите демократски средства за да го спречи донесувањето на овој закон и воедно ги повикува сите пратеници да го дигнат гласот на разумот и го сочуваат дигнитетот на Парламентот и на државата“, се вели во соопштението на Демократксиот сојуз.